[મધર્સ ડે... છાપાં ના પાને, ફોન કે મોબાઇલ માં,ઈન્ટેરનેટના બ્લોગ્સ માં માનો મહિમા ગવાતો હોય ત્યારે ...
વર્ષો પહેલાં દૂર...દૂર..જાત્રા કરવા ગયેલી બા ને માટે સંદેશ.....]
બા
મને ઘણી વખત યાદ આવે છે   તે દિવસો..
જે દિવસોમાં
તું આપણે ગામ હતી ને
હું શહેરની ન ગમતી હોસ્ટેલમાં હતો.
ત્યારે દરેક દિવસ
મારા માટે
મધર્સ ડે
હતો.
તે દિવસોમાં
હું
વારે વારે તને ચિઠ્ઠી મારફતે
મારાં આંસુ
મોકલતો
ને
વળતી ચિઠ્ઠી મારફતે
તું
મને
હિમ્મત , વિશ્વાસ ને ધીરજ
મોકલતી.....
બા..
તે ચિઠ્ઠી ઓ
ખોવાઈ ગઈ છે......